Dare Şikesti

Ez nizanim bê kengê ev peyva lîberal ket nav sîyaseta kurdî min tu agahî û lêkolîn li ser vê yekê nekiriye û nedîtiye. Ji wêrekîya xwe ya cahilî dibêjim belkî mirov karibe vê peyvê bi Necdet Gundem ve girê bide. Qet nebe em behsa helwest û bizavên lîberalî bikin teqez divê navê cenabê wî bê hildan û li şopên wî bêne raçavkirin. Lê belê di nav vê kurtedîroka lîberalîzm de lazim e mirov wî û pseudo-lîberalîzmê ji hev cihê bike. Di vira de em ê xwe bispêrin rêgezeka wî ya din ya bi navê 'takakesî (takexwaz)'. Bi rastî û bi giştî ev rêgeza takexwaz rêgezên xwerexnekirin û eşkerebûnê jî dikare di hundirê xwe de bihewîne ku ev rêgez di temamê jîyana wî de şêwe daye helwestên wî. Her wekî din dîsa tiştên sereke ku wî û kesên sîyasî ên wê demê ji hev cihê dikin di bin sîwana vê rêgezê de dikarin kom bibin: pêşbînîya wî kiriye ku ji kom û girseyan zûtir bifikre û tevbigere her û her bi serê xwe fikirîye (bi fikrên deynkirî tevnegerîyaye) tu carî nehiştîye ku fikrên wî di bin wesayetê de bimîne ku ev jî azadîya fikrî û qabîlîyeteka derbirînê lê zêde kiriye.   (Tanıtım Bülteninden)